(১)
ভোক মই
ছোমালিয়াৰ,
এমুঠি আহাৰ দিয়া
কুঁহিয়াৰীয়া পেটৰ জোখেৰে,
তাতেই বিল গেট্ছ মই |
(২)
ভোক মই
ৰাজনীতিৰ,
ভিক্ষা দিয়া, ভোটৰ
টকা লোৱা,
ক’লা টকা |
(৩)
ভোক মই
দুখুনী নাৰীৰ,
নাৰী হেনো ময়ো !
হ’লোয়েইবা কঙ্গাল,
জীয়াই থাকিব দিয়া মোক
পৰ জনমত যৌতুকেৰে উপজিম |
(৪)
ভোক মই
সোণাগাছিৰ,
খুদকণ দিয়া পেটত,
খলা-বমাখিনি পাবা
ৰাত্ৰিদানেৰে দানী মই |
(৫)
ভোক মই
নাগাছাকিৰ,
ভেম্পায়াৰ হওঁ,
তেজ দিয়া, শুহিম
বাৰুদ পাবা আৰু
শুন্যতা |
(৬)
ভোক মই
বাৰ্দ্ধ্যকতাৰ,
গৰ্ভ দিলো তোমাক,
বীৰ্য্য দিলো আৰু পোহৰ
সংগ দিয়া মোক |
ভোক মই
একবিংশ শতিকাৰ
অন্তহীন.....
No comments:
Post a Comment