বিষাদ-ব্যঞ্জনাৰে গধূৰ হৈ পৰিছে
খবৰৰ ভৰ
ধূমুহা-বৰষুণে বুৰাই পেলাইছে
জীৱন
কেৱল বোকা আৰু পানী...
কেতিয়া আহিব সেইজাক বৰষুণ
ধোৱাই লৈ যাব মোৰ
আইৰ উকা চাদৰত লাগি থকা
তেজৰ চেঁকুৰাবোৰ
এই ভেকেটা-ভেকেট গোন্ধ আৰু
গেঁথনিবোৰ...
আহিবনে তেনে এজাক বৰষুণ
আইৰ গাৰ তেজ পি থকা
মেলেৰিয়া, কলেৰা নামৰ অসুৰবোৰক
গিলি থবলৈ
কৃষ্টি, সংস্কৃতি নামৰ ভাই-ভনী দুজনাক
জীয়াই তুলিবলৈ...
আহিবনে, আহিবনে ?
মই ৰৈ আছো তেনে এজাক বৰষুণৰ অপেক্ষাত... |
অসমীয়া ভাষাৰ প্ৰথম সমূহীয়া ব্লগ সুগন্ধি পখিলা : কলা, সাহিত্য আৰু সংস্কৃতিৰ এক উমৈহতীয়া মঞ্চ। আহক, সুগন্ধি পখিলাৰ সতে আৰম্ভ কৰোঁ এক যাত্ৰা - হৃদয়ৰ পৰা হৃদয়লৈ
No comments:
Post a Comment